चैत्र १४,काठमाडौँ - मुटुको चाल बढेपछि प्रधानमन्त्री केपी शर्मा ओली अस्पताल भर्ना भर्ना भएका छन् । प्रधानमन्त्रीलाई बिहीबार राति मुटुमा केही समस्या भएपछि त्रिवि शिक्षण अस्पतालस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना गरिएको छ। प्रधानमन्त्रीका निजी चिकित्सक प्रा. डा. दिव्यसिंह शाहका अनसार हाल प्रधानमन्त्रीलाई अब्जर्भेसनमा राखिएको छ र उनको स्वास्थ्य अवस्था सामान्य छ। शाहका अनुसार मुटुको चाल बढ्ने प्रधानमन्त्रीको पुरानै समस्या हो । ‘प्रकोप भएको बेलामा जोखिम नहोस् भनेर मात्रै अस्पताल ल्याइएको हो,’ उनले भनिन्, ‘आजै डिस्चार्ज हुन्छ ।’ काठमाडौं एक्सप्रेसका अनुसार,प्रधानमन्त्री ओलीको त्रिवि शिक्षण अस्पतालमा नै फागुन २१ गते दोस्रो पटक मिर्गौला प्रत्यारोपण गरिएको थियो। उनी प्रत्यारोपण पछि फागुन ३० मा अस्पतालबाट डिस्चार्ज भएका थिए।