राजनैतिक विभाजन अनुसार प्रदेश नम्बर ५बर्दियाजिल्लाको मध्य उत्तर खण्डमा अवस्थित यस नगरपालिकाको पूर्वमा बबई नदी, पश्चिममा बर्दिया राष्ट्रिय निकुञ्ज, उत्तरमा पनि सोही राष्ट्रिय निकुञ्ज र दक्षिणमा मधुवन नगरपालिका पर्दछ । साविकको ठाकुरद्वारा गाविसमा रहेको ठाकुरबाबा मन्दिरको नामबाट यस स्थानीय तहको नाम राखिएको हो । यस नगरपालिकाले १०४.५७ वर्ग किलोमीटर क्षेत्रफल ओगटेको छ भने साविकका चारओटा बगनाह, नेउलापुर, शिवपुर र ठाकुरद्वारा गाउँ विकास समितिलाई गाभेर ९ वटा वडामा विभाजन गरी सेवा प्रवाह गरिएको छ ।

जनगणना २०६८ अनुसार यस नगरपालिकाको जनसंख्या ४४,३१६ रहेको छ । उक्त जनसंख्याको साठी प्रतिशत बढी आदिवासीका रुपमा रहेको थारु जाति रहेका छन् । लैंगिक हिसाबले २४,४१३ महिला तथा १९,९४८ पुरष रहेका छन् । तर वार्षिक जनसंख्या वृद्धिदर, बाहिरबाट हुनेगरेको बसाईसराइ तथा वैदशिक रोजगार र अन्य शिलशिलामा देश बाहिर रहेको जनसंख्यालाई एकीकृत गर्ने हो भने हाल यस नगरपालिकाको जनसंख्या लगभग साठी हजार हुनपुग्छ । तर पनि यस नगरपालिका भित्र हाल ८,६५२ घरधुरीमा रहेका जनतासँग शिक्षा, स्वास्थ्य, सडक, खानेपानी, ढल निकास, सिचाई, कृषि, पर्यटन, जैविक विविधता, वन र वन्यजन्तु, सहकारी, बजार, सूचना प्रविध, बिधुत्त, सञ्चार र प्राकृतिक प्रकोप, लगायतका थुप्रै क्षेत्रसँग सम्बन्धित संभावना र चुनौती दुवै छन् ।