कर्णाली प्रदेश नेपालको संविधान २०७२ लागू भएपछि वि=सं= २०७२ असोज ३ गते राज्य पुनर्संरचना गरी बनेका ७ प्रदेशहरू मध्ये एक हो । कर्णाली प्रदेशको नाम कर्णाली नदीबाट नमाकरण गरिएको हो । यस प्रदेशको राजधानी सुर्खेतको विरेन्द्रनगरमा पर्दछ । कर्णाली प्रदेशमा जम्मा १० वटा जिल्लाहरू रहेका छन् । जस अन्तर्गत रुकुम -पश्चिम भाग_, सल्यान, डोल्पा, जुम्ला, मुगु, हुम्ला, कालिकोट, जाजरकोट, दैलेख, सुर्खेत पर्दछन् । उक्त १० वटा जिल्लाहरू कूल ७९ वटा स्थानीय तहमा विभाजित छन् जस अन्तर्गत २५ नगरपालिका र ५४ गाउँपालिकाहरू समावेश गरिएका छन् ।
कुल २४ हजार ४५३ वर्ग किलोमिटर क्षेत्रफलमा फैलिएको यो प्रदेश क्षेत्रफलको हिसावले  नेपालकै सबैभन्दा ठूलो प्रदेश  हो भने जनसङ्याको हिसावले नेपालकै सवैभन्दा सानो प्रदेश  हो । २०६८ सालको जनगणना अनुसार यस प्रदेशको जनसंख्या १४ लाख  १५ हजार ३५ रहेको छ भने जनघनत्व ४८=६३ जना प्रति वर्ग किलोमिटर रहेको छ  ।



यस प्रदेशको सिमाना उत्तरमा चीनको स्वायत्त क्षेत्र तिब्बत, पूर्वमा गण्डकी प्रदेश, पश्चिममा सुदूुरपश्चिम प्रदेश, र दक्षिणमा प्रदेश नं= ५ पर्दछ । यो प्रदेश उत्तर तर्फको उच्च पहाडीभाग र नेपालको मध्य पहाडी भागसम्म फैलिएको छ । यस प्रदेशमा पर्ने फोक्सन्डो ताल सहित रहेको शे फोकसुन्डो नेशनल पार्क नेपालको सबैभन्दा ठूलो राष्ट्रिय पार्क हो भने राराताल नेपालको सबै भन्दा ठूलो ताल हो जसले गर्दा यस प्रदेशको महत्व छुट्टै किसिमको विशेषता रहेको छ । कर्णाली, सेती र भेरी नदीहरुपनि यसै प्रदेशमा पर्दछन् ।