सोलुखुम्बु जिल्लाकै एक मात्र नगरपालिका साविक बेनी, लोदिंग, तामाखानी, सल्लेरी र गार्मा गाविसमिलेर दुधकुण्ड नगरपालिकाको स्थापना१७मंसिर २०७१ भएको थियो । यस नगरपालिका २७ं ५०ु २१ुुउत्तरी अक्षांश र ८६ं ५८ु ६१ुुपूर्वी देशान्तरमा अवस्थित छ । तत्कालिन नगरपालिकाको क्षेत्रफल २५४.३ वर्ग कि.मी. रहेकोमा २७ फागुन २०७३ साविकका टाक्सिन्दु, केरुंग, गोराखानी र टापटिंग गाविस समावेशभई सोलुदुधकुण्ड नगरपालिका कायमभएको हो ।

२०६८ सालको जनगणना अनुसार यस नगरपालिकाको जनसंख्या २०३९९ र क्षेत्रफल ५३८.०९ वर्ग किलोमिटर रहेकोमा १४ फागुन २०७४ तिङलागाविस समेत समावेश भई ११ वडामा विभाजित नगरपालिकाको कुल जनसंख्या २४३२३ र क्षेत्रफल ५६५.०६ वर्ग किलोमिटर कायम रहन गयो ।

नेपालको नं. १ प्रदेशअन्तर्गत पर्ने सोलुखुम्बु जिल्ला ७७ जिल्लामध्ये उच्चहिमाली जिल्ला हो । यस जिल्लाको पश्चिम दक्षिण दिशामाअवस्थित सोलुदुधकुण्ड नगरपालिका सोलुखुम्बु जिल्लाको सदरमुकाम पनि हो । नेपालको एक महत्वपूर्ण पर्यटन गन्तव्यको रुपमा रहेको यस सोलुदुधकुण्ड नगरपालिकाको उत्तर तर्फ नुम्बुर हिमाल र यस हिमालको काखमा अवस्थित दुधकुण्ड पोखरी पर्दछ भने राजनीतिक विभाजनमा उत्तर तिर खुम्बु पासाङ ल्हामु गाउँपालिका, पूर्वमा काँकु, बासा र खुम्बु पासाङ ल्हामु गाउँपालिका, पश्चिममा लिखुपिके गाउँपालिका र रामेछाप जिल्ला तथा दक्षिणमा नेचासल्यान गाउँपालिका र ओखलढुङ्गा जिल्ला पर्दछन् । प्रमुखपर्यटन केन्द्रको रुपमा रहेको यस जिल्लामा संसारकै उच्च सर्वोच्च शिखर सगरमाथा(८८४८ मिटर) रहेको छ । संसारका विभिन्न देशबाट पर्यटकहरु बिदामनाउन तथा पर्वतारोहणकालागि यस क्षेत्रमा आउने गर्छन् ।


यस नगरपालिकामा १ अस्पताल (जिल्ला अस्पताल फाप्लु), ९ वटा स्वास्थ्यचौकी (बेनी, गार्मा, तामाखानी, सल्लेरी, टाक्सिन्दु, केरुंग, गोराखानी, टाप्टिंग र तिङ्गला स्वास्थ्यचौकी), ६ वटा बर्थिंग सेन्टर (जिल्ला अस्पताल फाप्लु, स्वास्थ्यचौकीहरु १. बेनी, गार्मा, केरुंग, गोराखानी र ताप्टिंग), २ सहरी स्वास्थ्य केन्द्र ( रोशी जैधु सल्लेरी, च्याल्सागार्मा), घुन्सा सामुदायिक स्वास्थ्य ईकाई केरुंग, १ सामुदायिकआँखा केन्द्र (फाप्लु), १ सामुदायिक दन्तउपचार केन्द्र (फाप्लु), ४ वटा गैर सरकारी संस्थाबाट संचालित स्वास्थ्य संस्थाहरु (सालाबेसी, फेरा, टाक्सिन्दू गुम्बा र पाताले) १ वटा निजी दन्तउपचार केन्द्र (सल्लेरी) रहेका छन् ।

६४ वटा सामुदायिक विद्यालय रहेको यस नगरपालिकामा २ स्रोत केन्द्र, ५ निजीविद्यालय, २ क्याम्पस संख्या, ५४ आधारभूतविद्यालय र १० माध्यमिकविद्यालय रहेका छन् ।

गहुँ, मकै, आलु प्रमुख अन्नबालिहरु हुन् भने स्याउ, आरु, नासपाती लगायतका फलफूल उत्पादनहुने गरेको छ । काउली, केराउ, सिमी, काँक्रो, फर्सी, गाँजर, चम्सुर, पालुङ्गो, लसून, बन्दाकोभी, गोलभेडा लगायत यस नगरको प्रमुख तरकारी बालीहुन् । प्रमुख जडीबुटीमा जटामसी, सुगन्धवाला, सुगन्धकाकिला, सिलाजित, भुईझ्याउ, सर्पगन्धा, यार्सागुम्बा, पाँचऔले, चिराइतो, कुड्की, मजिठो, पदमचाल, बोझो लगायतका छन् ।

मनी रिम्डु, लाखे जात्रा, भुमेनाचल गायतका जात्राहुने यस नगरमा पिके डाँडा, रातनाङ्गे, क्याम्जे डाँडा, सिलगुडी डाँडा, साङ्गीफुक, नुम्बुर हिमाल, दुधकुण्ड पत्ताले डाँडा, झाप्रे प्रमुख हिमाल, गुफा तथा पर्वतहरू रहेकाछन् । तामाखानी स्थित ज्वालामाई मन्दिर, सानो दुधकुण्ड तथा ठूलो दुधकुण्ड, गुप्तकाली, चांगेस्थान, बालाथान लगायत मन्दिरहरु रहेका छन् । रातनाङ्गे डाँडा, चिवाङ गुम्बा, फाप्लु स्थित सानो दुधकुण्ड मन्दिर, तामाखानी स्थित ज्वालामाई मन्दिर, गुप्तकाली मन्दिर, ग्याम डाँडा, थुप्तेन छोलिङ्ग, जुनवेशी, च्याल्सा, फुगमोछे गुम्बा, संगीफुक, झाप्रे, पत्ताले डाँडा, पि.के. डाँडा, गौरी टाँप लगायत प्रमुख पर्यटकीय स्थल रहेका छन् ।