उपत्यकाका मेयरको भेला किन ? चाँगुनारायणका मेयर सोम मिश्रलाई ५ प्रश्न

१० महिना अगाडि

उपत्यकाका २ महानगरपालिकासहित १८ वटा नगरपालिकाका मेयरहरुको भेला शुक्रबार नगरकोटमा हुँदैछ । चाँगुनारायण नगरपालिकाको व्यवस्थापनमा भेला हुन लागेको हो । भेलाको आवश्यकता र उद्देश्यबारे ७६१खबर डट कमले चाँगुनारायण नगरपालिकाका मेयर सोम मिश्रलाई ५ प्रश्न सोधेको छ–

प्रश्न नम्बर १ : उपत्यकाका मेयरहरुको भेला किन आवश्यकता पर्‍यो ?
उपत्यकाका धेरै विषय सबै नगरपालिकाका साझा समस्याकोरुपमा रहेका छन् । तिनको पहिचान र समस्या समाधानका लागि भेला बोलाइएको हो ।

प्रश्न नम्बर २ : भेलाका एजेन्डाहरु के–के छन् ?
भेलामा ६ वटा विषयमा छलफल हुन्छ । उपत्यकाभित्रको फोहोर व्यवस्थापन, सडक मापदण्ड, ट्राफिक व्यवस्थापन, कर, उपत्यकाका नदीहरुको व्यवस्थापन र २०२० लाई पर्यटन वर्ष बनाउनेबारे छलफल हुन्छ ।

प्रश्न नम्बर ३ : कार्यान्वयनमा कसरी जानुहुन्छ ?
सम्भवतः एउटा साझा फोरम बनाउँछौं । जस्तैः मेयर क्लव, डेपुटी मेयर क्लव आदि ।

प्रश्न नम्बर ४ : तपाईंहरुको कन्सेप्टजस्तै नगरपालिका संघ पनि छँदैछ नि ?
नगरपालिका संघले सबैलाई समेट्न सकेको छैन । उपत्यकाका एक जनामात्रै सदस्य हुनुहुन्छ ।

प्रश्न नम्बर ५ : सामूहिक फोरम बनाउनुपर्ने आवश्यकता हो कि दबाब ?
दबाब होइन । हाम्रा साझा समस्यालाई सामूहिकरुपमै समाधान गरौं भनेर आवश्यकता महसुस गरेका हौं ।