२०७८ जेठ २५ मंगलवार, काठमाडौं (वाग्मती प्रदेश)चीन सरकारबाट अनुदानाम प्राप्त भएको चिनियाँ खोप आजबाट देशका सातै प्रदेशमा लगाउन सुरु गरिने भएको छ । स्वास्थ्य सेवा विभागका अनुसार सातै प्रदेशका स्वास्थ्य निर्देशनालयलाई सरकारले परिपत्र गर्दै चीनसँग सीमा जोडिएका पालिकाका १८ वर्षमाथिका र उपत्यकामा ६०देखि ६४ वर्ष तथा वाहिर ६२ देखि ६४ उमेर समूहलाई खोप लगाउने कार्यक्रम छ ।हिमाली जिल्लामा भने ५५ वर्षदेखि ५९ वर्षबीचका पहिलो डोज लगाउन बाँकी पनि प्राथमिकता क्रममा पर्ने भएका छन् । काठमाडौं उपत्यकाका तीनै जिल्लामा परिपत्र अनुसार ६२ देखि ६४ वर्ष उमेर समूहका ज्येष्ठ नागरिकलाई खोप उपलब्ध गराइने भएको छ भने पर्याप्तताको आधारमा ६० र ६१ वर्ष उमेर समूहलाई प्राथमिकता दिइने भएको छ ।काठमाडौं महानगरपालिकाले चिनियाँ खोपको पहिलो डोज लगाउनका लागि ३२ वटा केन्द्र तोकेको छ । महानगरले भीड कम गर्न एउटा उमेर समूहलाई एक दिन खोप लगाउने जनाएको छ ।