काठमाडौं महानगरका मेयरद्वारा माजु देवल पुनर्निर्माणको थालनी

१ वर्ष अगाडि ७६१ खबर डटकम

काठमाडौं, १२ कार्तिक -काठमाडौं महानगरपालिकाका मेयर विद्यासुन्दर शाक्यले ठेकदारकै कारण महानगपालिकाले स्थानीयको गाली खानु परिरहेको बताएका छन् ।

हनुमानढोका नजिकैको कुमारीघर र काष्ठमाण्डपकै आसपासमा रहेको माजु देवलको पुनर्निर्माणको थालनी गर्दै शाक्यले समयमै काम सम्पन्न गर्न ठेकदारलाई निर्देशन समेत दिए । पुनर्निर्माणका लागि महानगरपालिकाले चासो देखाएसँगै पुनर्निर्माणको कामले गति लिएको उनको भनाइ छ ।

मेयर शाक्यले माजु देवल धार्मिक आस्थाको देवल भएकाले समयमै काम सक्नुपर्नेमा जोड दिए । काठमाडौँ महानगरपालिका भित्र धेरै धार्मिक स्थल तथा सम्पदा रहेको र त्यसको संरक्षण र पुनर्निर्माणको दायित्व पनि महानगरपालिकाकै रहेकोशाक्यलेबताए ।

माजु देवल पुनर्निर्माणका लागि भ्याट र कन्टिजेन्सीबाहेक ५ करोड ८८ लाख २४ हजार ३६५ रुपैयाँ ९७ पैसा लागत अनुमान गरिएको थियो । माजु देवल पुनर्निर्माणका लागि प्राकृतिक सानु सुवाल जेभी (संयुक्त उपक्रम)ले दुई वर्षमा पूरा गर्ने गरी भ्याटबाहेक ५ करोड ४९ लाख ३५ हजार २०६ रुपैयाँ ९७ पैसामा ठेक्का लिएको छ ।