२०७८ असार १५ मंगलबार, विराटनगर (मोरङ)प्रदेश नं १ को मोरङका १७ स्थानीय तहले आगामी आर्थिक बर्ष २०७८/०७९ का लागि नीति तथा कार्यक्रम र वार्षिक बजेट प्रस्तुत गरिसकेका छन् । एक महानगरपालिका, आठ÷आठ नगरपालिकारगाउँपालिका रहेको यो जिल्लाका सबै स्थानीय तहले आर्थिक वर्ष २०७८/७९का लागि सार्बजनिक गरेको बजेटमा स्वास्थ्य क्षेत्रलाई पहिलो प्राथमिकतामा राखेका छन् ।विराटनगर महानगरपालिकाले आगामी आर्थिक बर्षका लागि ४ अर्ब १० करोड ३ लाख ३८ रुपैंयाको बजेट प्रस्तुत गरेको छ । महानगरले आगामी आर्थिक बर्षको बजेट मार्फत खोप खरिदका लागि ३ करोड बजेट विनियोजन गरेको छ । महानगरले यसअघि नै विराटनगरवासीका लागि कोरोना भाइरसविरुद्धको खोप सहयोग गर्न सार्बजनिक रुपमै दातृ निकायलाई आग्रह गरिसकेको छ ।त्यसैगरी सुन्दरहरैचा नगरपालिकाले पनि आगामी आर्थिक बर्षका लागि २ अर्ब १५ करोड १२ लाख ७ हजार बराबरको बजेट प्रस्तुत गरेको छ । बेलबारी नगरपालिकाले १ अर्ब ३५ करोड ७० लाख ४६ हजारको बजेट प्रस्तुत गरेको छ ।मोरङका अन्य स्थानीय तहले १ अर्ब भन्दा सानो आकारका बजेट सार्बजनिक गरेका छन् । सबै भन्दा सानो आकारको बजेट ग्रामथान गाउँपालिकाले ४५२ करोड २ लाख ५८ हजार ४ सय रुपैयाँको बजेट प्रस्तुत गरेको छ। कोरोनाको कहरका कारण आन्तरिक स्रोत खुम्चिएका कारण मोरङका धेरै स्थानीय तहले आगामी आर्थिक बर्षको लागि सानो आकारको बजेटका ल्याएका छन् । सबैजसो स्थानीय तहले स्वास्थ्य क्षेत्रलाई पहिलो प्राथमिकतामा राखेर बजेट तर्जुमा गरेको दावी गरेका छन् । यो संगै, भौतिक पूर्वाधार, शिक्षा, कृषि, पर्यटन, रोजगारी लगायतका क्षेत्रलाई पनि प्राथमिकताका आधारमा बजेट विनियोजन गरेको स्थानीय तहहरुले बताएका छन् ।